Aínda que o Día da Paz xa pasou, queriamos compartir con vós o pequeno gran traballo que fixemos no cole 💫

Desde a ANPA Os Valados quixemos aportar o noso graniño de area elaborando uns carteis para que os nenos e nenas puidesen levar consigo un chisquiño de paz, e decorando a entrada do colexio cunha árbore da paz, guirlandas e unha pancarta chea de mensaxes bonitas sobre o respecto, a tolerancia, o amor, a igualdade e a convivencia 🤍

Porque educar en valores desde pequenos é fundamental para construír un mundo mellor, máis xusto e máis humano.

Queremos agradecer de corazón a todas as persoas da ANPA que colaboraron para facer isto posible, e esperamos que aos nenos e nenas lles gustase tanto como a nós… e que ás familias tamén 💙

A paz constrúese cada día, con pequenos xestos. 🕊️✨